«олимпия ўйинлари» тегли мақолалар
Ўзбекистон олимпия терма жамоаси Тошкент аэропортида кутиб олинади (спортчилар кортежи йўналиши)
12 август куни Ўзбекистон олимпия терма жамоаси Тошкент аэропортининг 3-терминалида тантанали кутиб олинади. Олимпиада чемпионлари ва совриндорлари аэропортдан МОҚ биносигача автобус кортежларида ҳаракатланади.
Ўзбекистон Париж Олимпиадасида 13-ўринни эгаллади, бу — мамлакат тарихидаги энг яхши натижа
Париждаги Олимпиада Ўзбекистон учун мамлакат мустақил тараққиёти тарихида энг муваффақиятлиси бўлди. Республика 13 та медаль (8−2−3) билан 206 та давлат орасида умумий медаллар ҳисобида 13-ўринни, Марказий Осиёда ва МДҲда 1-ўринни ҳамда Осиёда 4-ўринни эгаллади.
Париж-2024: Баҳодир Жалолов икки карра Олимпия чемпиони бўлди
Ўзбекистонлик боксчи Баҳодир Жалолов финалда испаниялик рақибини мағлуб этиб, Париж Олимпиадасининг олтин медалини қўлга киритди. Бу унинг фаолиятидаги Токио-2020 дан кейинги иккинчи Олимпиада олтини бўлди.
Париж-2024 тақвими: 10 август куни уч спортчимиз олтин медаль учун беллашади
Олимпия ўйинларининг 15-кунида Ўзбекистоннинг 10 нафар атлети спортнинг 7 тури: бокс, кураш, бадиий гимнастика, таэквондо, оғир атлетика, замонавий бешкураш ва енгил атлетика бўйича чиқиш қилади. Яна икки боксчи ва эркин курашчимиз олтин медаль учун финал баҳсларини ўтказади.
Париж-2024: Ўзбекистонлик спортчиларнинг 9 август кунги чиқишлари тақвими
Олимпия ўйинларининг 14-кунида Ўзбекистоннинг 13 нафар атлети спортнинг 5 тури: бокс, кураш, бадиий гимнастика, таэквондо ва сувга сакраш бўйича чиқиш қилади. Икки боксчи олтин медаль учун рингга чиқса, икки курашчи бронза медали учун баҳсга киришади.
Париж-2024: Ўзбекистонлик юнон-рум курашчилари Олимпиадани медалларсиз якунлади
Ўзбекистонлик юнон-рум курашчилари Париж Олимпиадасини медалсиз якунлади. 40 ёшли Рустам Ассакалов (-97 кг) бронза учун жангда елкасидан жароҳат олиб, баҳсни муддатидан аввал тўхтатди. Арам Варданян (-77 кг) ҳам 3-ўрин учун беллашувда мағлуб бўлди. Ислом Баҳромов (-60 кг) эса ¼ финалгача етиб борди.
Париж-2024: Олимпиаданинг 12-кунида баҳсга киришадиган ўзбекистонликлар рўйхати
Париж Олимпиадасининг 12-кунида ўзбекистонликлар 3 та спорт турида қатнашади. Унда эшкак эшувчилар Екатерина Шубина ва Шахриёр Маҳкамов стартга чиқади. Боксчи Баҳодир Жалолов ярим финалда жанг қилади. Юнон-Рум курашчилари эса бронза медали учун ҳаракатини бошлайди.
Париж-2024: Бугун спорт курашчилари гиламга чиқади, боксчи Асадхўжа Мўйдинхўжаев ярим финалда жанг қилади
Париж Олимпиадасининг 11-кунида Арам Варданян ва Рустам Ассакалов Юнон-рум кураши бўйича, Актенге Кеунимжаева эса эркин кураш бўйича гиламга чиқади. 7 августга ўтар кечаси боксчи Асадхўжа Мўйдинхўжаев америкалик рақибига қарши ярим финалда жанг қилади.
Боксчи Ҳасанбой Дўсматов Олимпиада финалига чиқди (видео)
Париж-2024 Олимпиадасининг ярим финал учрашувида ўзбекистонлик боксчи Ҳасанбой Дўсматов Кабо-Верделик рақибини мағлуб этди. Ўзбекистон вакили Олимпия ўйинларининг финал босқичига чиқди.
Париж Олимпиадасидаги ўзбекистонлик боксчилар: ким қайси босқичда?
2024 йилги Олимпия ўйинларида ўзбекистонлик 6 нафар боксчи медаллар учун жангни давом эттирмоқда. 5 нафар боксчи эса мусобақадан чиқиб кетди. «Газета.uz» спортчиларнинг натижалари ҳақида маълумот беради.
Париж-2024: 7-кунда енгил атлетикачилар баҳсга киришади, 3 нафар боксчи чорак финалда жанг қилади
Париж Олимпиадасининг 7-кунида боксчилар Баҳодир Жалолов, Ҳасанбой Дўсматов ва Тўрабек Ҳабибуллаев чорак финал жангини ўтказади. Енгил атлетикачи Шарифа Давронова ва Сафина Садуллаева ўз иштирокини бошлайди. Сўнгги дзюдочи Алишер Юсупов эса яккалик баҳсларининг саралаш босқичида қатнашади.
Париждаги Олимпиаданинг 6-куни: Анна Пракатень ярим финалда, 2 боксчи чорак финалда ўйнайди
Париждаги Олимпия ўйинларининг 6-кунида академик эшкак эшувчи Анна Пракатень ярим финалда қатнашади. Дзюдочилар Музаффарбек Тўрабоев ва Ирисхон Қурбонбоева ўз юришини бошлайди. Боксчилардан Лазизбек Мулложонов ва Руслан Абдуллаев чорак, Сабина Бобоқулова ва Навбаҳор Ҳамидова 1/16 финалда беллашади.
Париж-2024: Ўзбекистоннинг яна икки боксчиси чорак финалга чиқди
Боксчилар Абдумалик Халоков ва Асадхўжа Мўйдинхўжаев Париж Олимпиадасидаги дебютини ғалаба билан бошлаб, чорак финалга йўл олди. 31 июль кунги баҳсларда қатнашган камончилар ва дзюдочилар мусобақани медалларсиз якунлади.
Париж Олимпиадасининг 3-куни: ўзбекистонлик 2 боксчи медаллар учун курашни давом эттиради
Олимпия ўйинларининг 3-кунида Баҳодир Жалолов ва Руслан Абдуллаев чорак финалга чиқди. Қиличбоз Зайнаб Дайибекова илк баҳсида енгилди. Дзюдочи Шукуржон Аминова ва Муроджон Йўлдошев эса 2-даврасида мусобақани тарк этди. Сузиш ва эшкак эшиш баҳсларида ҳам ўзбекистонликлар кейинги босқичга ўта олмади.
Париж-2024: 29 июль куни ўзбекистонликларни қандай мусобақалар кутмоқда?
Душанба куни Париждаги Олимпия ўйинларида қиличбоз Зайнаб Дайибекова, дзюдочилар Муроджон Йўлдошев ва Шукуржон Аминова, академик эшкак эшувчи Шаҳзод Нурматов ва Собир Сафаралиев баҳсларга киришади. Боксчилар Руслан Абдуллаев ва Баҳодир Жалоловни ҳам жанглар кутмоқда.
Париж-2024: 27 июль куни ўзбекистонликларни қайси мусобақалар кутмоқда?
Шанба куни Париждаги Олимпия ўйинларида ўзбекистонликлар 4 та спорт тури бўйича баҳсларга киришади. Дзюдочилар Достон Рузиев ва Халимажон Қурбонова, велоспортчи Ольга Забелинская, боксчи Нигина Ўктамова илк иштирокини бошлайди. Ўзбекистонлик футболчилар эса Мисрга қарши ўйнайди.
Париж-2024: Ўзбекистонлик камончилар 1/32 финал босқичига чиқди
25 июль куни Олимпия ўйинлари камондан отиш баҳсларининг 1-саралаш босқичи бошланди. Унда Зиёдахон Абдусатторова 649 очко тўплаб, 34-ўринни банд қилди. Амирхон Содиқов эса 674 очко билан 13-натижани қайд этди. Улар 31 июль куни 1/32 финал босқичидан медаллар учун курашни бошлайди.
«Ҳозирча ҳеч нарса йўқотганимиз йўқ». Элдор Шомуродов — Испания билан учрашув ҳақида
Олимпиада ўйинларининг футбол бўйича гуруҳ босқичида Ўзбекистон терма жамоаси Испанияга 1:2 ҳисобида мағлуб бўлди. Футболчи Элдор Шомуродов ўйин ҳақида фикр билдириб, жамоа кичик хатолар эвазига ютқазганини айтди. «Гуруҳда ўзимизга тенг рақибларимиз бор. Ҳозирча ҳеч нарса йўқотганимиз йўқ», деди у.
Хулиан, Ашраф, Фермин, Элдор: Олимпия ўйинларида иштирок этадиган 11 машҳур футболчи
Бугун Париждаги Олимпия ўйинлари доирасида футбол бўйича баҳслар старт олди. Ўзбекистон терма жамоаси ўз тарихидаги илк иштирокини Испанияга қарши учрашув билан бошлади. «Газета.uz» мусобақанинг футбол бўйича баҳсларида дунёнинг қайси юлдузлари тўп тепиши ҳақида қисқача маълумот беради.
Абдумалик Халоков ва Зайнаб Дайибекова Париждаги Олимпия ўйинларида байроқдор бўлади
Париж-2024 Олимпия ўйинларида боксчи Абдумалик Халоков ва қиличбоз Зайнаб Дайибекова Ўзбекистон делегацияси байроқдорлари бўлади. Ғолибларга Токиодаги каби олтин медаль учун $200 минг, кумуш учун $100 минг, бронза соҳибига эса $50 минг берилади. Спортчилар 7Saber бренди остидаги формада қатнашади.
Энг кўп ўқилган хабарлар | Сўнгги янгиликлар
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Тошкентда Амир Темур кўчасидаги аянчли ЙТҲдан сўнг янги йўл чизиқлари олиб ташланмоқда. Бу етарлими?
Қўшимча имкониятлардан фойдаланиш учун сайтда рўйхатдан ўтинг